有人認為街邊鐵皮檔很醜又很油，但其實它是港人珍貴的私竇，識食之士一定去過鐵皮檔口。到中上環、深水埗走一走，這些鐵皮茶檔搶盡風頭，麻甩地食到夠，只怕你嫌唔夠喉！ 第 1 站 玉葉甜品中環裡的「綠」洲 食綠豆沙最鍾意佢起哂沙，但呢間鐵皮檔不單只有沙，仲有大大塊海帶添！講緊的是玉葉甜品內主打的「海帶綠豆沙」，一碗$12的綠豆沙裡十分足料，充滿住有咬口的海帶跟綠豆，吃完會有種透心涼的快感！（聞說夏天更會有些碎冰塊在裡面？）
值得注意的是，雖然間舖叫「玉葉甜品」，但其實舖內也有其他鹹食，例如雲吞麵跟牛腩麵，同樣是大大碗，最適合大家來個中環懷舊遊後品嚐！(溫馨提示：網民話玉葉老闆娘好豪氣，同澳牛一樣要「光速落單」，所以建議各位去食前諗定叫乜！)
| 地址: | 中環蘇豪伊利近街 2 號 |
| 開放時間 | 12時00分 - 00時00分，周日不定休 |
| 電話 | 2544 3795 |
第 2 站 大坑炳記潮飲奶茶食豬扒 開鐵皮檔可以開到有明星潮撐、出Postcard、仲開埋粉絲專頁同顧客交流禁潮，大概得大坑炳記一間。 炳記創立於上世紀五十年代，每天客似雲來，當中最馳名的就是其豬扒麵及奶茶，能夠入選CNN Travel四大奶茶王，亦絕非浪得虛名：其紅茶和淡奶配合得宜，茶味濃郁又有豐富奶香，毫不苦澀，令人回味再回味。 據食家分享，落埋店內提供的麻油或辣油一齊食麵更過癮！
必點的招牌菜 ── 豬排米粉。 
炳記茶檔餐牌簡單，供應的食物不超過廿種。 
| 地址: | 大坑施弼街 5 號側 |
| 開放時間 | 07時00分 - 15時30分 每週休息日: 星期日 |
| 查詢電話 | 2577 3117 |
| 消費 | 30 至 40 |
| 前往方法 | 路線 - 地鐵 起點: 港鐵天後站 B 出口 沿銅鑼灣道直行約 10 分鐘，轉入安庶庇街，直行約 3 個街口。 需時：約 12分鐘 |
第 3 站 深水埗長發麵家豪食豉油撈麵 相信很多人都認同「愈簡單的菜式愈難做得好」這句話，尤其是一碗豉油撈麵：齋到咁，可以有咩花臣？但位於深水埗的長發麵家偏偏就係靠佢打響名堂。一碗其貌不揚的撈麵，索價三十元，仍然不乏支持者，皆因其麵條彈牙爽口，不帶半分臭鹼味，每條麵更食得出有「傳說中的豬油」痴住；而秘製豉油的鹽糖比例調得剛好，加上有一抹蔥花襯托著，確實香口非常。 店內另外有售手打魚蛋、墨丸等，但份量偏少，大食朋友可能要食兩碗。
深水埗知名鐵皮檔之一，招牌菜有豉油皇撈麵、豬手炸醬麵、淨墨丸、魚蛋米，是街坊必到食堂。 
| 地址: | 深水埗耀東街1號大排檔地下(近南昌街) |
| 開放時間 | 11:00am-04:00am |
| 查詢電話 | 2777-2400 |
第 4 站 深水埗強記麻甩有風味地打冷 深水埗出名多好野食，而且大排檔都唔少。當中除咗有好夠鑊氣嘅「愛文生」之外，其實仲有一間叫強記。 由1968年開始營業的強記專做晚市，開到凌晨，實在是「夜鬼」福音。店內裝潢雖然簡陋，但風味十足，出名砵仔焗魚腸跟啫啫雞煲，餸飯一流；另外街坊推介炸大腸拼墨魚亦好香口，最岩三五知己一邊傾、一邊食、一邊飲啤酒！ 
「強記大牌檔」於1968年遷址於深水埗耀東街上，營業至今己接近半個世紀。此店專做晚市，開到凌晨四點，最出名菜式是砵仔焗魚腸跟啫啫雞煲。 
| 地址: | 深水埗耀東街4號 |
| 開放時間 | 星期一至日: 18:00-04:00 |
| 電話 | 2776 2712 |
詳細全文: http://tw.teradot.cc/article/2015031770.html
沒有留言:
張貼留言